LAOAG CITY – Balligi a naarestar ti maysa a dati a Sanguniang Kabataan kagawad iti Brgy 23 Sta Cecilia, San Nicolas babaen ti pannakaisayangkat ti anti illegal drug buy-bust operation.
Ti suspek ket agtawen 24, dati a Sanguniang Kabataan kagawad ken residente iti Brgy. 23, Sta. Cecilia, San Nicolas, Ilocos Norte.
Natiliw ti suspek babaen ti buy-bust operation a nagbinnuligan ti San Nicolas Municipal Station kas lead unit, Philippine Drug Enforcement Agency, Ilocos Norte Police Provincial Office ken kadagiti dadduma pay nga ahensia.
Basar kadagiti otoridad, naaktoan nga aglaklako ti suspek ti maysa a heat-sealed transparent plastic sachet a naglaonan ti white crystalline substance a mapapati a shabu nga addaan ti estimated value-na a Php 6,800.00.
Malaksid iti daytoy, apaman ti pannakaarestar ti suspek ket naala pay manipud kenkuana ti sumurok-kumurang 6 a gramo ti mapapati a shabu a mapattapatta nga aggtad ti P40,800, innem a heat-sealed transparent sachet a naglaon ti white crystalline substance a mapapati a shabu ken maysaa 1 thousand peso bill a nausar kas buy-bust money.
Kabayatanna, dagiti naala nga ebidensia ket addan iti kameng ti San Nicolas Municipal Police Station para iti naan-anay nga imbestigasion ken dokumentasion.
