LAOAG CITY – Naglikudan ti defense team ni Vice President Sara Duterte a nag-walk out ti lead counsel da a ni Atty. Sheila Sison bayat a sungsungbatan ti prosekusion ti saludsod ni Senator-Judge Risa Hontiveros iti maikadua nga aldaw ti impeachment trial idi Martes, Hulio 7.
Napasamak daytoy bayat a sungsungbatan ni private prosecutor Atty. Amando Ligutan ti saludsod ni Hontiveros a no maibilang nga impeachable offense ti maipagarup a grave threats ni Vice President Duterte kontra ken ni Presidente Ferdinand Marcos Jr., First Lady Liza Marcos, ken dati a House Speaker ken Leyte First District Representative Martin Romualdez.
Iti baet ti panangsungbat ni Ligutan, inbatadna a maipagarup nga agar-aramid ti eksena ni Atty. Sison kalpasa a nakita daytoy a rimuar iti session hall.
Insigida met a nagsubli ni Atty. Sison kalpasan a binabalaw ni Ligutan.
Iti maysa a taripnong, inlawlawag ni defense spokesperson Atty. Michael Poa a saan daytoy a nag-walk out nudiket napan laeng iti banyo.
Segun ken ni Poa, a normal laeng ti panagruar apagbiit iti maysa nga atiddog a panagdengngeg no sadinno a kunana nga uray isuna ket rimuar met iti nasao a panangusig.
