LAOAG CITY – Inbatad ti Department of Health a nakasaganan ti emergency departments kadagiti ospital ti gobierno para kadagiti indibidual a possible nga agpasar ti nagduduma a sakit gapu iti kinabara ti panawen, kalpasan a naideklarar ti iseserreken ti pagilin iti dry season.
Segun ken ni Health Secretary Teodoro Herbosa, kaadoan kadagiti heat-related illnesses ket saanen a kasapulan a maiconfine iti ospital, malaksid np seryoso ti kaso kas iti heat stroke ken heat exhaustion.
Mainaig iti daytoy, binalakadan ni Herbosa ti publiko nga agtalinaed nga hydrated ken liklikan ti nakaro a pannakaibilag iti darang ti init aglalo kadagiti ubbing ken nataengan.
Immunan nga inrakurak ti World Health Organization a ti heat stress ti umun-una a rason ti pakatkatayaan nga adda ti pakainaigan ti nabara a paniempo ken mabalin a pakarwen na no adda ti sakit a cardiovascular disease, diabetes, mental health ken asthma.
Indiskribir pay ti World Health Organization ti heatstroke kas “medical emergency with a high-case fatality rate”.
