LAOAG CITY – Saan a mapalubusan a ngumato iti nangatngato a tukad ti maysa nga agad-adal no saan a makabasa.
Daytoy ti inbatad ni Atty. Donato Balderas Jr., Schools Division Superintendent ti Department of Education – Ilocos Norte.
Mainaig iti daytoy, inlawlawag ni Balderas a ti kayat a sawen ti “No Child is Left Behind”, ket aramiden da amin a kabaelan da tapno maipaayan ti naan-anay nga adal dagiti ubbing.
Kuna na saanna a kayat a sawen a no agdoble iti ayan a grade level ti maysa nga agad-adal ket mabaybay-anen, no di ket napinpintas pay daytoy tapno makakita da ti napinpintas nga interbensyon.
Innayon na nga iti agdama ket tututukan da dagiti agad-adal a saan wenno marigatan nga agbasa.
