LAOAG CITY – Nagsursuro dagiti 54 a Child Development Workers iti siudad ti Laoag ti “Detect and Connect” training a naisayangkat idi napalabas a lawas.
Ti training ket naisagana babaen ti panagbibinnulig ti Mariano Marcos State University (MMSU), Early Childhood Education ken ti lokal a gobierno ditoy siudad ti Laoag babaen ti maysa a Memorandum of Agreement.
Panggep iti nasao a training a pasayaaten ti kabaelan dagiti Daycare workers iti nasapa a pannakadeterminar kadagiti posible a pagkurangan wenno disability dagiti ubbing.
Segun ken ni Ms. Perlita Cabello, mangidadaulo iti City Social Welfare and Development Office CSWDO iti siudad ti Laoag,“the earlier, the better,” tapno dagiti ubbing a masapul ti tulong ket dagus a mai-refer iti doktor wenno kadagiti health professional.
Agtultuloy pay ti training iti dua nga aldaw babaen iti staggered schedule tapno maipakaammo kadagiti amin a daycare workers ti umiso a pannakailasin, panangi-refer ken panangtulong kadagiti ubbing.
