LAOAG CITY – Inrakurak ni Interior and Local Government Secretary Jonvic Remulla nga awan ti santoenna iti imbestigasion iti responsibilidad dagiti nagbalin nga hepe ti Philippine National Police (PNP) iti drug war iti babaen ti administrasion ni dati a Presidente Rodrigo Duterte.
Inpasingkedna nga agtignay ti Department of the Interior and Local Government ken Philippine National Police kadagiti isyu nga adda ti pakainaiganna iti daytoy iti kanito a malpasen ti congressional hearing maipanggep iti extrajudicial killings (EJK).
Kabayatanna, inlawlawag ni Philippine National Police Chief Police General Rommel Marbil a nagkiddawdan ti komento kadagiti dati a Philippine National Police Chief tapno marugianen ti pannakaiwayat ti imbestigasion.
Immunan nga inbutaktak ni retired P/Col. Royina Garma a maipagarup a kiniddaw kenkuana ni dati a Presidente Duterte nga agbirok ti opisial a mangipatungpal ti Davao model ti war on drugs iti national scale.
