LAOAG CITY – Inpalagip ti Deparmentof Health (DOH) a ti deworming ket nagtalinaed a natalged ken epektibo iti panangprotehir kadagiti ubbing.
Daytoy ket kagiddan ti ballaag iti publiko kontra iti misinformartion kalpasan ti pannakapatay ti maysa a Grade 4 student idiay Cavite.
Nangiparuk-at ti Department of Health ti rakurak kagiddan ti panangallukoyna iti publiko a suportaran ti nationwide deworming activities ita nga Hulio.
Inlawlawag ti departamento a ti ubing ket mabalin a mapasaran ti mild ken temporario nga side effects kas panagsakit ti tiyan, panagbakwar, gurigor, diarrhea wenno skin rashes.
Dinutokan ti Health Deparment dagiti health worker ken lokal a gobierno a naiget a suroten ti safety protocols iti school ken community-based deworming activities tapno masigurado ti natalged a panangipaay ti agas ken umno a panangidaulo kadagiti adverse effect.
Inbatad pay ti Department of Health (DOH) iti publiko nga agdengngeg laeng kadagiti beripikado nga impormasion manipud iti ahensia ken liklikan ti panangiwaras ti saan a beripikado wenno misleading a report nga mabalin mangresultar ti buteng ken danag iti publiko iti panagbakuna.
Maipalagip a pimmusay ti maysa a Grade 4 student nga agnagan ti Rex iti Hugo Perez Elementary School-Annex iti Trece Martires City, Cavite kalpasan ti deworming activity iti pagadalan.
Kabayatanna, nangisayangkat ti joint investigation ti Philippine National Police ken Department of Education iti pannakatay ti estudiante.
