LAOAG CITY – Inkari ni Sen. Christopher “Bong” Go, ti Senate Committee on Health Chairman a mapagsungbat ti Department of Health no adda ti natay a maysa a pasiente gapu ta nagkedked dagiti ospital ti gobierno a tamingen dagitoy.
Inaramid ti Senador ti ballaag iti Department of Health kalpasan ti panagdengngeg ti Senate Health Committee nga idadauloanna maipapan iti agdama nga estado ti public health system iti pagilian.
Iti panagdengngeg, inbinglay ni Go ti nagbalin a situasion ti maysa a pasiente iti Ozamiz City, Misamis Occidental, a dandani a naputed ti suplay ti oxygen gapu iti kinaawan ti pinansial.
Ti Medical Assistance for Indigent Patients ket ti programa ti Department of Health a mangipaay ti tulong pinansial kadagiti pasiente a marigatan nga agbayad. Ti Malasakit Centers ti mangipapaay kadagiti pasiente ti access tapno maka-avail ti programa iti daytoy.
Mismo a ni Department of Health Secretary Ted Herbosa ti nagatendar iti panagdengngeg no sadino inpalagip ni Go ti inkari ti ahensia a tungpalenda ti mandato daytoy iti Malasakit Centers Law a kangrunaan nga inpasa ti Senador idi 2019.
