LAOAG CITY – Inrakurak ti Department of Health (DOH) ti upward trend dagiti kaso ti dengue iti sumurok 28 a ribu a kaso a nairekord agingga idi Pebrero 1, 2025.
Basar iti Department of Health, ti 28,234 a kaso ket 40% a panagngato manipud kadagiti nairekord a kaso iti napalabas a tawen.
Iti baet daytoy, nakairekord ti ahensia ti panagbaba iti Case Fatality Rate (CFR) iti 0.35 percent agingga idi Pebrero 1 maidasig iti 0.42 percent CPR iti kapada a panawen idi 2024.
Kabayatanna, nakairekord pay ti Department of Health ti pakabuklan a 9,995 a kaso ti influenza-like illnesses (ILI) sipod idi Enero 1 agingga idi Pebrero 1 wenno 53 percent a panagbaba iti 21,340 a kaso a nairekord iti kapada a panawen idi 2024.
