LAOAG CITY – Inallukoy ti Department of Health (DOH) dagiti naapektaran ti asok manipud iti Navotas Sanitary landfill nga agtalinaed iti pagtaengan ken iserra dagiti tawa tapno saan a mairisgo ti salun-at.
Inbalakad ti ahensia, uray nakasuot ti regular a face masks, saan daytoy nga umdas a proteksion iti narisgo nga asok nangruna iti babassi a particles a malang-ab nga inawagan a PM2.5.
Inbatad ni Department of Health Undersecretary Albert Domingo, agusar ti N95 wenno KN95 mask gapu ta dagiti babassit a particle ket mabalin a makastrek iti bara ken posible a mangitunda ti nakarkaro a sakit kadagiti ubbing ken natataengan.
Nabalakadan ti publiko a bantayan ti Air Quality Index (AQI) ti Department of Environment and Natural Resources ken sumurot kadagiti abiso ti lokal a gobierno.
Ti agtultuloy nga asok manipud iti landfill ket nakaapektar met idiay Malabon, Valenzuela, Caloocan, Quezon City, Mandaluyong, Makati, Maynila ken Obando, Bulacan.
