LAOAG CITY – Inlawlawag ti Department of Health (DOH) ti agwarwaras iti online mainaig iti agas para iti sakit a dengue.
Iti abiso ti Department of Health, inpettengna nga awan pay ti agas kontra iti dengue.
Ti panangilawlawag ti Department of Health ket kalpasan nga agwarwaras iti online iti maipagarup nga agas kas kadagiti mula a tawa-tawa, bulong ti sili, ukis ti lansones ken bulong ti papaya.
Basar iti ahensia, ti epektibo nga agas iti panangliklik ti nasao a sakit ket ti panagdaldalos iti aglawlaw, panagisuot ti atiddog a bado ken panagusar ti insect repellant.
Binallaagan ti Department of Health ti publiko nga insigida nga itaray iti kaasitgan nga ospital ken saanen nga iyuray pay a kumaro no bilang makarikna ti sintomas ti dengue.
Magutgutigot ti publiko nga ugalien a makikaysa iti kampania ti Department of Health nga alas kuatro tapno mapatay dagiti lamok.
