LAOAG CITY – Kinumpirmaran ni Justice Secretary Eric Vida nga agbiahe inton bigat nga agturong idiay Czech Republic.
Daytoy ket tapno makisarita kadagiti otoridad iti nasao a pagilian tapno insigida a mapagawid ni dati nga Ako Bicol Partylist Rep. Zaldy Co.
Inbatad ni Vida a kaduana nga agturong idiay Czech Republic ni Chief State Counsel Dennis Chan.
Awan ti nadakamat ti sekretario no asino dagiti makataripnongna iti panagsangpetna iti nasao a pagilian.
Immunan a kinumpirmaran ni Vida ti pannakaarestar ken ni Co nupay inadmitirna nga awan pay ti maipakitada a pammaneknek kas kadagiti ladawan.
