LAOAG CITY – Naitandudo iti panagdapil iti Bgry. Bacsil ditoy ciudad ti Laoag kabayatan ti ibibisita ti Department of Tourism.
Segun kenni Atty. Charito Malicad, ti mangidadaulo ti City Tourism Office a dakkel iti panagyamanda gapu iti panagbisita iti Department of Tourim ditoy ciudad kangrunaan na iti panangkita dagitoy iti produkto a suka iti nadakamat a barangay.
Kunana a babaen iti daytoy ket ad-adda manen a mapapigsa iti panagaramid wenno panagdapil dagiti residente iti Barangat Bacsil iti suka tapno ad-adda pay a maipromote ken mapadur-as ti produkto da.
Inpakaammo ni Atty. Malicad nga agsursur iti Department of Tourism iti intero a rehiyon uno tapno maiyam-ammo kadakuada dagiti nagduduma a produkto.
Kagiddan iti daytoy, inpasingked ti City Tourism Office iti suporta a maipaay kadagiti residente iti Brgy. Bacsil iti panagdapil dagitoy pakairaman dagiti produkto nga ar-aramiden da.
Kabayatanna, inpasigurado ni Atty. Malivad a lehitimo wenno puro dagiti suka iti Brgy. Bacsil ken awan iti laokna a danom.
