LAOAG CITY – Pinalagipan manen ni Dr. Loida Valenzuela, provincial veterinarian ti publiko mainaig iti African Swine Fever (ASF).
Segun kenni Valenzuela, masapol nga agannad kadagiti gatgatangen iti online a karne ti baboy ken dagiti naproseso a karne ti baboy ditoy probinsya.
Daytoy ket gapo ta amangan no dagiti gumatgatang babaen iti online ket isu ti makaisangpet ti nasao a sakit ditoy probinsya.
Mainaig iti daytoy, kuna ni Valenzuela a babaen iti grupo da iti Region 1 a dagiti agiserserrek ket agus-usar da kadagiti pribado a lugan wenno dagiti behikulo a saan a masinunuo nga addaanen ti karga a karne ti baboy.
Nagpanawagan pay ni Valenzuela a saan kuma a gandaten nga agiserrek kadagiti karne ti baboy manipud kadagiti saan a madeterminar a lugar.
Ummuna iti daytoy, immapela ni Valenzuela babaen iti facebook post na nga agbalin nga alerto tapno saan a makastrek ti ASF ditoy probinsya kalpasan a dagti sumagmamano nga ili iti Ilocos Sur ket apektadon iti daytoy.
