LAOAG CITY – Umaboten iti 302,561 a libre a taraon ti naipaay ti Department of Social Welfare and Development (DSWD) iti babaen ti Walang Gutom Kitchen (WGK) program sipud nairubuat daytoy idi 2024 agingga iti umuna a kagudua ti 2026.
Basar iti Department of Social Welfare and Development, 219,304 ti nagsubli a benepisiario ti natulungan ti programa pakairamanan dagiti pamilia nga adda iti kalsada ken dagiti makapaspasar ti nakaro a bisin.
Linukatan ti umuna a Walang Gutom Kitchen iti dati a POGO hub idiay Pasay City idi Disiembre 2024. Sinaruno daytoy dagiti sangay idiay Cebu City ken Zamboanga City.
Inbatad ni Department of Social Welfare and Development Secretary Rex Gatchalian a gagem ti programa a makatulong iti panaglippas ti panagbisin ken maisubli ti dignidad dagiti agkasapulan.
