LAOAG CITY – Pinaigetan ti Department of Trade and Industry ti price monitoring iti presio dagiti kangrunaan a magatgatang iti merkado publiko ita a sumrek ti La Niña ditoy pagilian.
Segun ken ni Consumere Protection Group Assistant Secretary Atty. Amanda Nograles, malaksid iti price monitoring ket tiliwenda ken mapilaan ti kaso dagiti amin nga agisaysayangkat ti price pakairamanan dagiti agiduldulin kadagiti produkto wenno hoarding.
Manarimaan ti pannakikoordinarda kadagiti Local Government Units para iti reactivation ti Local Price Coordinating Council tapno agbalin a katinnulungan ti Department of Trade and Industry iti panangmonitor ti presio dagiti magatgatang iti tiendaan.
Kunana a nakikoordinar payen dagiti manufacturers iti Department of Trade and Industry para iti voluntary price freeze kadagiti basic necessities ken prime commodities kas panagsagsagana iti masungad a La Niña.
Innayon ni Nograles nga inabisoan isudan ti Department of Interior and Local Government a nasurok a maysa a ribu ti reactivated a Local Price Coordinating Council ken 87% daytoy ti reactivated ken mabalin nga agbalin a kabinnuligda iti panagmonitor ti presio kadagiti supermarkets, grocery store ken dagiti tiendaan.
