LAOAG CITY – Naipilan ti kaso a qualified theft babaen iti regular filing kontra kadagiti dua a dati nga empleado ti maysa a construction supply iti Barangay Anao iti ili ti Piddig.
Daytoy ti inbatad ni Police Lt. Rudy James Jacalne, ti chief of police iti nasao nga ili.
Segun ken ni Jacalne, ti maysa a suspek ket residente iti Barangay San Esteban iti ili ti Dingras idinto a ti maysa ket taga Barangay Boyboy iti ili ti Piddig.
Inbatad na a basar iti imbestigasyon da ket napasamak ti insidente idi enero ita a tawen no sadinno a naduktalan ti agtagikua ti construction supply a mapukpukaw ti 10 a bag a semento, dua a rolyo ti barut, maysa a load ti darat, dua a plyboard ken ti bayad ti krudo nga agbalor ti sangaribo a pisos.
Innayon na nga apaman a naduktalan ti agtagikua ti nasao a construction supply dagiti mapukpukaw a produkto da ket inikkat da a dagus dagiti dua nga empleado.
