LAOAG CITY – Balligi a naarestar ti Philippine National Police ditoy siudad ti Laoag dagiti dua nga agtutubo a kameng ti LGBTQ+ kalpasan a nagtakaw ken adda ti pakanaiganda iti illegal a droga babaen ti Hot Pursuit Operation iti Sitio 2 ti Brgy. 2 Sta. Juaquina ditoy siudad.
Nabigbig dagiti suspek nga agtawen ti 19, awanan asawa ken agtawen ti 15, awanan asawa ken agpada a residente iti Brgy. 3 ditoy siudad.
Natiliw dagiti suspek kalpasan a nakikooperar dagiti kameng ti Philippine National Police ditoy ciudad iti akin kukua iti Bricks Inn Hotel kalpasan a na-tract dagiti otoridad ti selpon a maipagarup a tinakaw dagiti suspek ken iti Closed-circuit television ti North’s Guest House.
Mainaig iti daytoy, dagos a nagturong dagiti kameng ti polisya iti nasao nga hotel no sadinno nakitada a rummuaren dagiti suspek.
Nasiputan dagiti otoridad nga inpurwak daguti suspek dagiti tinkadawda a kagamitan iti likod ti gate ti kwarto a nagcheck-inanda.
Gapu iti daytoy, dagos a pinakumpiramaran dagiti otoridad kadagiti biktima no dagiti dua a suspek ti maipagarop a nagitaray iti kwarta ken cellphone-da.
Malaksid iti daytoy, nakumpiskar manipud kadagiti suspek ti maysa a small heat transparent plastic sachet a mapapati a naglaon ti shabu nga agdagsen iti 0.8 grams ken agbalor ti P5,440 pakairaman dagiti 2 a selpon, black a bag a naglaon iti personal belongings, 3 a selpon a maipagaroup a tinakadawda , 2 a wallet a tinakawda ken maysa a wallet a naglaon iti maipagarup a shabu.
Nupay kasta, naiget a naglikudan ti maysa a suspek a kukuana ti nakumpisakar a mapapati a shabu idinto nga inadmitirna a tinakawda dagiti nadakamat a banag.
Kabayatanna, sumango dagiti suspek iti kaso a Theft ken manamnama a mapilaan ti kaso gapu iti panaglabsingna iti Republic Act No. 9165 wenno ti Comprehensive Dangerous Drugs Act of 2002.
