LAOAG CITY – Inbatad ni Mr. Victor Dabalos, PENRO officer ditoy probinsya a maikkan amin ti ECC dagiti agipatakder ti pasdek wenno aniaman nga infrastructure.
Kuna na a babaen iti nasao nga ECC, nailanad a maipawil ti agipaturong iti irigasyon wenno kanal dagiti makali a pitak.
Mainaig iti daytoy, inpakaammo ni Dabalos a dagiti agaramid iti nasao nga addang ket mabalin a maiyuan ti CDO babaen iti lokal a gobierno.
Inbunannag na a nu awan ti pagbaliwan daytoy ket maidanon iti opisinada ken dagitoy ti mangipataw ti pannusa.
Immunan nga inbatad ni Dabalos a saan a dagus a maisardeng ti pannakaiturong dagiti pitak nga aggapo kadagiti maipatpatakder a pasdeng nangruna nu saan a mapakpakadaan ti tudo.
Nu pay kasta, kuna na a rumbeng nga agbalin a responsible ken suruten ti paggannurotan maipanggep iti panangtagiben iti aglawlaw.
