LAOAG CITY – Nasakit ti nakem ti empleado ti maysa a bar ditoy siudad ti Laoag kalpasan a dinangran isuna ti maysa kadagiti kustomerda.
Segun ken ni Zion, dinanog daytoy ti lalaki iti pangana gapu ta inpagarupna nga adda ti relasionda iti asawana.
Inbatadna nga awan ti natured a nanganawa kadakuada kalpasan a nagpangta ti lalaki a no asinoman ti tumulong kenkuana ket paltoganna.
Kunana nga idi nalpas ti insidente ket dagus a rimmuar ti maseknan a lalaki iti saan a masinunuo a direksion.
Innayonna nga in-report-na met daytoy a pasamak iti Laoag City Police Station.
