LAOAG CITY – Nakuryente ti maysa nga empleado ti DITO Telco iti paset ti Barangay Lang-ayan iti ili ti Currimao.
Daytoy ti kinumpirmaran ni Police Lt. Medel Perinion, ti chief of police iti ili ti Currimao.
Binigbig na ti biktima a ni Marco Cabreros, taga Barangay Sucoc, Narvacan, Ilocos Sur.
Inbatad ni Perinion a basar iti inisyal nga imbestigasyon da, kabayatan ti panagikabit ti biktima ti linya ti nasao a tele-communication ket possible nga adda ti nasagid na a linya ti kuryente a nangitunda ti pannaka-kuryente na.
Naitaray ti biktima iti Mariano Marcos Memorial Hospital and Medical Center iti ciudad ti Batac ngem agpapan maisursurat daytoy a damag ket saan pay a masinunuo ti estado ni Cabreros.
Agtultuloy ti imbestgasyon dagiti otoridad mainaig iti nasao a pasamak.
