LAOAG CITY – Pormalen a nangipila ni Sangguniang Panlalawigan Member Aladine Santos ti Certificate of Candidacy-na iti kina-Bokal para iti mapaspasangasangan a 2025 Midterm Elections.
Daytoy ti inpakaammo ni Ms. Jessa Guarino, Assistant II iti Provincial Commission on Elections.
Segun kenkuana, kadua ni Santos ti pamiliana ken dagiti pagayamna iti panangipilina ti kandidaturana.
Inbatadna a daytoy ti maudi a termino ni Santos kas Bokal ditoy probinsia a kalikagumna a maileppas tapno ad-adda a matulunganna dagiti umili.
Maipalagip a ni Santos ket agdama a Bokal iti hunta probinsial ken saan a nakigeddan kadagiti padana a Bokal a nangipila ti Certificate of Candidacy iti umuna nga aldaw ti panangipila ti kandidatura.
