LAOAG CITY – Mangnamnama ni District Engr. Ma. Venus Torio iti 1st Engineering District ti Department of Public Works and Highways (DPWH) ditoy ciudad ti Laoag nga agtultuloy latta ti Build Build Build Program ti ahensya uray agresign’en ni Secretary Mark Villar.
Inbatad na a dakkel ti maitulong ti nasao a programa kangrunaan na kadagiti rangtay, by-pass road, pasdek ken dadduma pay.
Kabayatanna, ibilang ni Torio a perfect 10 ti performance ni Sec. Villar bayat ti panagserbi na iti DPWH.
Immunan nga inrakurak ni Villar ti panagresign na kas sekretaryo ti DPWH gapu ta maipagarop a plano na ti agpaidasig kas senador intono May 2022 elections.
