LAOAG CITY – Inrakurak ni Bombo International News Correspondent Rene Ballenas iti New Jersey nga ad-adda a nakapapati dagiti insawsawang ni US President Joe Biden no ikompara ken ni dati nga US President Donald Trump.
Daytoy ket kalpasan ti umuna a presidential debate da Biden ken Trump para iti 2024 election.
Inlawlawag ni Ballenas nga amin dagiti insawsawang ni Trump ket adayo manipod iti kinapudno.
Kuna na a dagiti nadakamat ni Trump a numero ken naar-aramidan na idi isuna ti nakatugaw kas presidente ti Estados Unidos ket inawagan na kas “exaggerated”.
Dinayaw na met ni Biden gapu iti panagbalin na a natanang bayat ti panangkontra na kadagiti inrakrakurak ni Trump.
Inpetteng pay ni Ballenas nga idi nagtugaw a presidente ni Trump ket nanayunan ti nasurok a ti $8-trilyon ti utang ti Amerika.
