LAOAG CITY – Inrakurak dagiti food maker ken supplier nga abisoan dagiti gumatgatang no nagkissayda pay ti kadakkel dagiti produktoda.
Ti mapaay a makaaramid daytoy ket mamulta ti agingga 10 million won wenno USD7,300.
Inbatad ti Fair Trade Commission a sumagmamano a negosiante ti agkiskissay kadagiti produktoda tapno mapagtalinaed ti kapada a presio a maaw-awagan ti “shrinkflation.”
Inawagan daytoy ti Fair Trade Commission kas maysa nga “unfair transaction” nga adda ti maiyannatop a multa.
Kaadduan kadagiti processed food makers ken manufacturer ti household supplies kas ti toilet paper, shampoo ken detergents ket kasapulan a mangikabil ti label iti uneg ti tallo a bulan no dagitoy ket ag-downsize kadagiti produktoda.
Ti nasao a pammilin ket agbalin nga epektibo inton Agosto wenno kalpasan ti three-month grace period no sadino dagiti aglabsing daytoy ket mamulta ti 5 million won para iti first offense ken 10 million won iti second offense.
