LAOAG CITY – Nadutukan kas baro Head City Local Government Operations Officer ni Local Government Operations Officer VI Ms. Charis Garma iti Department of Interior and Local Government ditoy siudad ti Laoag.
Daytoy ket kalpasan ti innem a tawen a panagserbi ni Garma kas City Local Government Operations Officer iti ili ti Pinili.
Iti panagbitlna kabayatan ti panagatendar na iti regular session ti Sangunaing Panglungsod, kunana a naragsak isuna gapu ta nakasubli isuna ditoy siudad.
Inrakurakna a malaksid iti ili ti Solsona, nagserbi pay isuna iti ili ti Sarrat, siudad ti Batac, Pasuquin, ken iti ili ti Solsona.
Mangnamnama ni Garma nga iti panagtrahabo ti Department of Interior and Local Goverment ditoy siudad ket agbalin napintas ken agtalinaed iti Seal of Good Local Governance award ken daddumpay a pammadayaw.
Kabayatanna, pinasingkedanna nga ubraenna iti amin a kabaelanna tapno maaramid na ti namnamaen da kenkuana.
