LAOAG CITY – Kinondenar ni Gov Imee Marcos ti nakaam-ames a pannakatay ni Mayor Arsenio Agustin iti Marcos, Ilocos Norte a nakairamanan ti driver na a ni Mark Valencia.
Iti opisyal nga statement ti gobernador, dagus nga inbilinna iti Philippine National Police iti probinsya a masapul a mabigbig ken matiliw iti kabiitan a panawen ti suspek karamanen ti mastermind ti krimen.
Naladingit ti gobernador kalpasan a naamuan na ti napasamak kenni Mayor Agustin gapu ta kaalyado na ken supporter kadagiti programa ti provincial government.
Kabayatanna, agladladingit ti sibubukel a League of Municipalities of the Philippines, Ilocos Norte Chapter nga idadauloan ni Mayor Erdio Valenzuela iti ili ti Dingras gapu ti pannakatay ti ibil-bilang na a bestfriend.
Nalagip ni Valenzuela dagiti immuna nga intelligence report mainaig ti maipagarup a target a mapatay ti sumagmamano a politiko iti daya a paset ti probinsya.
Saan na a masigurado no adda ti koneksyon na iti napasamak kenni Mayor Agustin.
Mayor at kanyang driver, patay sa pamamaril sa Ilocos Norte
Posted by Bombo Radyo Laoag on Saturday, June 3, 2017
