LAOAG CITY – Kiniddaw dagiti grupo ti mangmangged iti Pasig ken Navotas Regional Trial Courts (RTCs) ti pannakakanselar ti petision a manglaplapped iti implementasion ti P85 a kanayunan a sueldo dagiti agsuelsueldo ti minimum iti Metro Manila.
Mainaig iti daytoy, binilin ti Supreme Court dagiti kompanya ti Readycon Trading and Construction Corporation, R-II Builders Inc. ken ti Alliance of Philippine Fishing Federations Inc. ti panagsungbatda iti uneg ti 10 nga aldaw manipud iti panagkiddaw ti grupo idi kalman, Agosto 30 para iti petision dagiti mangmangged a maikkat ti pannakaitantan ti implementasion ti P85 minimum wage increase iti Metro Manila.
Maipalagip nga inparuk-at ti Pasig Regional Trial Court ti nasao a temporary restraining order kontra iti implementasion ti pannakaipangato ti sueldo dagiti mangmangged iti Metro Manila.
