LAOAG CITY – Nagturong ti grupo ni Gov. Cecilia Araneta Marcos idiay Kaohsiung, Taiwan tapno agatendar iti Taiwan-Philippines Smart Harbor Forum.
Segun kenni Marcos, kadua na ti Tourism Head a ni Mr. Ian Racquel, Investment Consultant Mr. Ramon Manotoc, Executive Assistant Mary Jane Apostol ken Executive Assistant I Ms. Luelle Pacquing.
Inbatad na nga agtalinaed da iti nasao a pagilyan agingga intono Disyembre 11.
Naamoan a makitaripnong da iti Taiwan Economic and Cultural Office ken Taiwan Tourism Officials mainaig iti posible a Kaohsiung-Laoag Charter flight operation.
Maipalagip nga ummunan nga inpakammo ni Mr. Racquel ti nasao a plano para iti napinpintas pay a turismo ditoy probinsya.
