LAOAG CITY – Kinontra ni Senator Risa Hontiveros ti panagusar ti nuclear energy kas maysa a solusion iti nangato a presio ti kuryente ken kinakurang ti supply ti enerhia iti pagilian.
Ti panang-kontra ti senadora ket kalpasan ti nagbalin a panawagan ni Presidente Ferdinand Marcos Jr. iti maika-lima nga State of the Nation Address wenno SONA-na idi Hulio 27 a tingitingen ti Kongreso ti nuclear Energy kas paset ti plano ti gobierno a papigsaen ti sektor ti enerhia ditoy pagilian.
Segun ken ni Hontiveros, awan ti bukod a raw materials ti Pilipinas a masapol iti panagaramid ti nuclear energy.
Innayonna pay a dagiti radioactive materials ket masapol pay laeng a gatangen manipud iti sabali a pagilian nga agingga ita ket awan pay ti sigurado a sistema ti Pilipinas para iti natalged a panangibasura ti radioactive waste.
Gapu iti daytoy, inpetteng ti senadora nga adu pay dagiti renewable energy sources ditoy pagilian a nasaysayaat pay nga usaren kumparar iti nuclear energy.
