LAOAG CITY – Inlawlawag ni Impeachment Trial Presiding Officer Francis “Chiz” Escudero a saan nga obligado nga agatendar a personal ni Vice President Sara Duterte iti panangusig kenkuana gapu ta ibagian daytoy dagiti abogado na.
Segun ken ni Escudero, awan ti pagannurutan iti impeachment court a mangimanmandar iti respondent nga agatendar kadagiti panagdengngeg no saanna a kayat ti makipaset a personal.
Kuna na nga adda dagiti abogado ti bise presidente a mangig-iggem iti depensa na, nakadependen ken ni Duterte no kayatna ti sumango iti korte.
Inrakurak pay ni Escudero a no kayat ti prosekusyon a paawagan ni Duterte tapno agtestigo, mabalin da ti agpila ti pormal a mosyon wenno kiddaw iti korte a desisyunan paylaengd dagiti senador.
Inaramid daytoy ti Presiding Officer kalpasan a sinaludsud ni counsel for the prosecutor Atty. Lorna Kapunan, iti maikadwa nga aldaw ti impeachment trial n agatendar ti Bise Presidente kalpasan a nakita daytoy iti pasilidad ti senado.
