LAOAG CITY – Inyalud-od ti senado ti impeachment trial ni Bise Presidente Sara Duterte iti malem kalpasan a nagdesision dagiti senador nga iyakar ti regular sessions iti bigat tapno magundawayan para iti open-ended, marathon trial hearing iti malem.
Kinumpirmaran ni Senate President Sherwin Gatchalian a pormal nga immanamong dagiti senator-judges iti adjustment tapno saan nga umabot ti proceddings nga inton sumaruno a tawen.
Iti babaen ti manarimaan a setup, limitar laeng ti oras ti impeachment trial ti bigat gapu ta mangrugi ti regular session ti Senado ti alas-3 ti malem.
Immunan nga insingasing ni Majority Leader Juan Miguel Zubiri nga isayangkat ti legislative session ti alas-10 ti bigat gapu ta mano lang nga oras daytoy ken ti irugi ti impeachment trial ti alas-3 ti malem tapno saan a malappedan ti regular calendar.
Kabayatan iti panagsagana ti panangtalantan ti proposed 2027 national budget, inadmitir ni Gatchalian a dagiti agsasaruno panangusig ket kasapulanna ti physical ken mental a pigsa para kadagiti amin a karaman.
