LAOAG CITY – Inbatad ni Agriculture Secretary Francisco Tiu Laurel Jr. a saan pay laeng nga ag-angkat ti Department of Agriculture (DA) ti red onion agingga Marso 2027 tapno maprotehiran dagiti lokal a mannalon.
Kuna ni Laurel nga umdas ti agdama a suplay ti red onion iti pagilian para iti human consumption iti pagilian.
Impaganetgetna a makatulong daytoy tapno maprotehiran ti pagsapulan ken panggedan dagiti lokal nga agmulmula ti sibuyas.
Nupay kasta, posible a palubosan ti DA ti limitado a panag-angkat ti white onions no agkurang daytoy agingga inton Nobiembre.
Impasigurado pay ni Laurel ti garaw ti presion ti sibuyas kadagiti paggatangan ket epekto laeng ti logistic ken saan a ti kinakurang iti suplay.
