LAOAG CITY – Bimmaba ti bilang dagiti imported a pork products ditoy probinsia idi 2024 no idasig idi 2023.
Segun ken ni Dr. Loida Valenzuela, Provincial Veterinarian, daytoy ti mangipaneknek nga ad-adu pay laeng dagiti mangayat iti local meat products maidasig kadagiti imported meat products.
Inbatadna a basar iti kaudian a datos ti opisinada ket adda ti 2,574 tonelada ti karne ti baboy idi 2023 idinto a 2,482 tonelad idi 2024.
Inlawlawagna nga adda laeng lima nga importer pork products ti napalubosan nga ag-import ditoy probinsia.
Innayonna nga agtultuloy ti naiget a panangmonitorda kadagiti nagduduma nga ili ken siudad tapno maipasigurado a natalged dagiti karne a sumrek ditoy probinsia.
