LAOAG CITY – Nagpila ti petisyon ti sumagmamano nga abogado iti Korte Suprema kontra ken ni Senate President Vicente ‘Tito’ Sotto III.
Irekreklamo da Atty. Ferdinand Topacio, Atty. Manuelito Luna, Atty. Harold Respicio ken dadduma pay ti nasao a senador gapu kadagiti komento na nga adda ti pakainaigan iti napalabas a resolusyon ti Korte Suprema mainaig iti ‘impeachment’ kontra ken ni Vice Pres. Sara Duterte.
Partikular a pinilaan da ti senador ti ‘petition for indirect contempt’ iti pammati da a saanna a rinespetar ti desisyo ti mahistrado.
Inpetteng ni Atty. Ferdinand Topacio a dagiti rakurak ni Sotto iti kallabes ket nakaapektar iti imahen ti kangatoan a korte iti pagilian.
Gapu iti daytoy, inpetteng ni Topacio a dagiti nagbalin a rakurak ni Sotto ket saan a maiparbeng ken saan a nakaaawat aglalo ket isuna ti mangidadaulo iti senado.
No bilang mapaneknekan a guilty iti indirect contempt ni Senate Pres. Tito Sotto III, mabalin a mapatawan ti 309 a ribo a pisos a multa, ken possible pay a mabalud ti innem a bolan.
