LAOAG CITY – Inrakurak ni Deputy Foreign Minister ti Iran a ni Saeed Khatibzadeh a naiget a panaglabsing iti United States-Iran ceasefire ti panangatake ti Israel iti Lebanon.
Basar iti health ministry, inakusaran ni Khatibzadeh ti Israel a ti inwayatda a panangatake iti Lebanon a nakatayan ti 203 nga indibidual ket maysa a “massacre.”
Inbatad ni Khatibzadeh a malukatan manen ti Strait of Hormuz no agsardengen ti panangatake ti Estados Unidos.
Mainaig iti daytoy, inpetteng ni United States President Donald Trump nga agtalinaed dagiti suldado ti Amerika iti rehion agingga a naan-anay nga agtungpal ti Iran iti pudno a ceasefire agreement.
Maipalagip nga inanunsio ti Estados Unidos ken Iran ti ceasefire iti nagbaetan dagitoy idi Martes ngem adda dagiti agsupadi a report mainaig no ania dagiti banag nga immannugot ti Iran.
Immuna iti daytoy, inpaganetget ni Trump a masapul a karaman iti naipalaon iti katulagan ket ti panagsardengen ti panagaramid ti Iran kadagiti nuclear weapons ken ti panaglukat manen ti Strait of Hormuz.
