LAOAG CITY – Binallaagan ti Israel dagiti Iranian a saan nga agbiahe babaen ti tren kalpasan ti pangta ni United States President Donald Trump a dadaelenna ti imprastraktura iti Iran.
Segun iti Israel, no saan a sumurot dagiti Iranian ket mairisgo ti biag dagitoy ken kinumpirmaranna ti panangatake ti maikatlo a petrochemical site.
Basar iti United States-based human rights group, umaboten iti 3,500 nga indibidual ti natay pakairamanan ti 1,665 a sibilian sipud nangrugi ti panangatake ti Estados Unidos ken Israel iti Iran.
Naammoan a pormalen a nagkedkedan ti Iran ti inkiddaw a ceasefire proposal ti Amerika kadakuada.
Maipalagip a nangipaay ti deadline ni Trump iti Iran tapno lukatan ti Strait of Hormuz.
Immuna iti daytoy, inrakurak ni Trump nga adda ti plano ti Amerika a dadaelen ti amin a rangtay ken planta ti kuriente iti Iran no sadinno a mabalin nga aramiden daytoy ti Estados Unidos iti maysa a rabii.
