LAOAG CITY – Inakusaran ni Israeli Defense Minister Israel Katz ti Hezbollah a saanna a sursuroten dagiti termino iti ceasefire deal.
Maysa kadagiti dinakamatna ket ti saan a panagsanod ti Hezbollah iti border-da ti Litani River.
Nagballaag pay daytoy a no saan daytoy a masurot ket mapilitan ti Israel nga agaramid ti addang tapno masigurado a natalged ti panagsubli dagiti residente iti pagtaenganda.
Nailanad iti ceasefire deal a nasken a dagiti suldado ti Israel ket tumalawen iti Lebanon agingga inton Enero 26.
Maipalagip nga iti napalabas a tawen ket nagtulag ti Hezbollah ken Israel ti peacetalks kalpasan a bumallaet dagiti dadduma a pagilian.
