LAOAG CITY – Kinumpiskar ti Japan ti Chinese fishing vessel.
Basar iti Japanese fisheries agency, saan nga inkankano isuda ti nasao a barko ti China idi simrek daytoy iti exclusive economic zone-da iti Nagasake Prefecture.
Binalakadanda ti kapitan ti barko nga agsardeng para iti inspeksion dagiti otoridad ngem saan daytoy a nagsardeng.
Adda ti 11 nga indibidual ti nakalugan iti barko pakairamanan ti kapitan a maysa nga agtawen ti 47 a Chinese national.
Saan laeng daytoy ti umuna a gundaway a kinumpiskar ti Japan ti Chinese fishing vessel gapu ta addan ti napasamak idi 2022.
Inpasigurado ni Japanase Chief Cabinet Secretary Minoru Kihara a saanda nga agsardeng iti panangkumpiskar kadagiti barko a mangiwaywayat ti iligal a panagkalap iti kabaybayanda.
