LAOAG CITY – Nagun-od ti maysa a cheese company idiay France ti Guinness world record kalpasan a nakaaramid ti maibilang kas kadakkelan a cheese fondue.
Ti Juraflore company nagluto iti 4,800 pounds a cheese fondue no sadinno a dagiti chef iti nasao a kompanya ket nagusar da iti higante a food processor tapno makiwar da a naimbag dagiti ingredients ken masigurado a nalamuyot ti maaramid a keso.
Naamoan a ti kadakkelan a cheese fondue ket inarmid ti nasao a kompanya iti Fort des Rousses iti village ti Les Rousses.
Karaman kadagiti nausar iti panagaramid ti kompanya ti cheese fondue ket ti 40 a pilid ti comté cheese, Chardonnay ken Savagnin white wines, 4.4 a libra a bawang, 3.3 a libra a puraw a sili ken agarup 121 a libra a cornstarch.
Nagdagsen ti cheese fondue iti 4,800 pounds, no sadinno a naartapan ti kompanya ti goal da a 4,495 pounds.
