LAOAG CITY – Nakaalerto dagiti kapulisan ti ilocos Norte gapo kadagiti agwarwaras nga impormasyon seknan kadagiti agala iti ubbing.
Segun kenni Police Supt. Rely Arnedo, hepe ti PNP Dingras, a sursuren da amin a pagadalan iti nasao a ili tapno maballaagan dagitiestudyante.
Kuna na a nagturong dan iti Dingras National High School tapno mangipaay ti impormasyon seknan ti panagannad da kadagiti mapagat-atapan a tattao nga addaan ti lugan.
Mainaig iti daytoy, inpakaammo ni Arnedo a naiwayat ti entrapment operations iti intero a probinsya gapo iti napasamak iti ili ti San Nicolas seknan ti attempted kidnapping.
Kuna na nga adda ti sinada da a van a nangisit ngem basar iti PNP San Nicolas kadua da ti ubing ket saan nga isuda ngem naala ti profile dagiti nakalugan.
