LAOAG CITY – Inbatad ti Department of Health (DOH) a ngimmato iti 45 a porsiento ti kaso ti Measles-Rubella (MR) iti umuna a kwarter ti 2026.
Inpaganetget manen dagiti opisyal ti Department of Health a ti community-wide vaccination ti kakaisuna a wagas tapno maprotehiran dagiti maladaga a nasapa pay unay tapno mabakunaan.
Iti datos ti Department of Health, adda ti nairekord a 1,627 a kaso manipod Enero 4 agingga iti Marso 21 ita a tawen, nangatngato ngem ti 1,121 a kaso a nairekord iti isu metlaeng a panawen idi 2025.
Manipod iti nairekord a pakabuklan ti kaso ket agarop 1,111 ng indibidual wenno 68 percent dagiti saan a nabakunaan kontra iti kamuras ken rubella.
Nagtalinaed ti Bangsamoro Autonomous Region in Muslim Mindanao (BARMM) a kaadoan ti kaso a 344; sumaruno ti Soccsksargen (322); Davao Region (163); National Capital Region (158); ken ti Central Luzon (154).
