LAOAG CITY – Kinontra ti International Criminal Court (ICC) prosecution ti kiddaw ni dati a Presidente Rodrigo Duterte a saan nga agatendar iti confirmation hearing daytoy a mangibagbaga nga awan ti umdas a rason tapno saan a personal a sumango isuna iti korte.
Iti innem a panid a filing nga addaan ti petsa a Pebrero 19, inbatad ni Deputy Prosecutor Mame Mandiaye Niang a napaay ni Duterte a mangipaay ti compelling reason tapno ag-waive ti panagatendarna iti panagdengngeg.
Kuna ni Niang a kinumpirmaran ti korte a physically ken mentally fit ni Duterte tapno agatendar iti panagdengngeg.
Inbasura pay ti prosecution ti rakurak ni Duterte nga isuna ket “nataengan, nabannog ken nakapsot,” ken inpettengna a basar iti medical evidence ken expert opinion, kabaelanna nga agatendar iti confirmation hearing.
