LAOAG CITY – Paim-imbestigaran ni Senate President Sherwin Gatchalian ti kinaawan ti regular nga audit iti presio dagiti produkto a petrolyo iti baet ti agtultuloy a panagngato ti singir iti generation charge iti bill ti kuryente.
Daytoy a problema ket nangitunda ti financial distress kadagiti naruay a consumers.
Iti Senate Resolution 581 nga inpasa ni Gatchalian, ti ngumatngato a generation charges ken kinaawan ti regular fuel cost audits ket naidatag gapu ta kasapulan ti nadagdagsen a pagsungsungbatan ken transparency iti power generation sector tapno masigurado a nalaka wenno nababbaba a singir iti kuryente.
Dinakamat ti Senador a napilitan nga agbayad ti nayon a ₱620 iti kada bulan dagiti households nga agkonkonsumo ti 200 kWh.
Kunana a maipakpakita laeng a ti panagngato ti singir iti kuryente ket gapu iti generation charges a maipaspasa kadagiti consumers.
