LAOAG CITY – Inbasura ti konseho iti ili ti Vintar ti aplikasyon ni Atty. Camilo G. Foronda kas Municipal Administrator iti nasao nga ili.
Daytoy ket gapu ta dagiti insumitir na a requirements ket innala na pay laeng idi tawen 2014.
Malaksid iti daytoy, maipagarop a saan pay a kompleto ti insumitir a SALN wenno Statement of Assets, Liabilities and Net worth, ken saanna nga inpan iti aplikasyon na nga adda ti kabagyan na iti LGU iti ili ti Vintar.
Ni Foronda ket dati a Legal Officer 5 ti Department of Public Works and Highways (DPWH) idiay Metro Manila.
Naamoan a daytoyen ti maikadwa a gundaway a saan nga inaprubaran ti konseho ti inrekomenda ti chief executive nga agbalin kas municipal administrator iti nasao nga ili.
