LAOAG CITY – Naidungpar ti kotse nga inmaneho ti maipagarop a kameng ti pulisya iti Brgy. 23, San Andres iti ili ti Sarrat.
Basar iti impormasyon, agpaamianan ti biktima idi napukawan ti kontrol rason a naidungpar iti alad ti pagtengan a kukua ni Maria Mirasol ken iti puon ti marunggay.
Gapu iti daytoy, dagos a nagresponde dagiti kameng ti Rural Health Unit iti nadakamat nga ili no sadinno nagsagaba ti sugat ti biktima iti nagduduma a paset ti bagi na.
Mainait iti daytoy, rumrumuar a nakainom ti nasanger ti biktima gapo ta basar kadagiti nakakita iti napasamak ken adda ti botelya ti arak iti uneg ti lugan na.
Nupay kasta, nagkedked ti Philippine National Police iti ili ti Sarrat a mangipaay ti naan-anay a detalye iti katatao ti biktima ken no kasano ti napasamak.
Kabayatanna, inbatad ni Maria Gloria Mirasol a nakigtot da idi adda ti nangeg da nga arig na nagtupak ken idi simmirip daytoya ket nakita dn ti lugan ti biktima a naidungpar ken adda ti nakita da nga uniporme ti pulis.
Kalikagom na a masukatan iti alad da ken kasta met dagiti nadadael a mula da gapo ta isu laeng ti mapastrekan da no sadinno ilako da dagiti bulong ken bunga ti marunggay.
