LAOAG CITY – Nasentensiaan ti dusa a patay ti maysa a lalaki idiay Japan gapu iti panangpapatayna ti uppat nga indibidual.
Daytoy ti nagbalin a desision ti Korte idiay Japan kalpasan iti panangpaltog ken panangbagkong ti suspek a ni Masanori Aoki nga agtawen ti 34 kadagiti biktima.
Rumrummuar a makapaspasar ti suspek ti schizophrenia wenno maysa a seryoso a chronic mental disorder a makaapektar ti panagpanunot ti maysa a tao ngem saan a pinatgan ti Korte.
Basar iti impormasion, binagkong ti suspek ti dua a babbai a magmagna iti siudad ti Nakano ken pinaltoganna ti dua a pulis a napan nagresponde iti lugar.
Manmano laeng dagiti mairekrekord a gun violence idiay Japan gapu iti naiget a pannakaipatungpal kadagiti firearms laws ken manmano pay dagiti mapaspasamak a pannakapaltog kadagiti pulis no sadinno a ti naudi nga insidente ket addan 30 a tawenen ti napalabas.
Inpetteng ti depensa nga ad-adda a maiyannatop ti tungpal biag a pannakasentensia para ken ni Aoki nga addaan ti “diminished capacity” gapu iti schizophrenia.
Immanamong dagiti prosecutors a makapaspasar ni Aoki ti biddot a panagatap ngem inpaganetgetda a naaramid ti suspek ti krimen nga addaan ti kabaelan nga agpanunot ti husto ken saan idi napasamak ti insidente.
Naammoan a nakasuot ti suspek ti camouflage uniform, kallugong, sunglasses ken mask idi aramidenna ti krimen ken mamati a naaramidna daytoy gapu ta pinagsawsaw-an isuna ti saan a napintas dagiti biktima.
