LAOAG CITY – Naarestar ti maysa a lalaki iti mismo a balay da idiay Dingras, Ilocos Norte gapu iti kaso na a qualified rape.
Nabigbig ti akusado a ni Russel John Batallones y Gabriel, agtawen ti 27 ken residente iti Barangay Barong iti nasao nga ili.
Natiliw ni Batallones babaen ti bileg ti warrant of arrest nga inparuk-at ni Acting Presiding Judge Nida B. Alejandro iti RTC Branch 11 ditoy ciudad ti Laoag.
Awan ti nairekomendar a piyansa ti akusado para iti temporaryo a pannakawayawaya na.
