LAOAG CITY – Balligi a naarestar ti maysa a lalaki iti Anti-Ilegal Drug Buy-bust Operation iti Barangay Maananteng iti ili ti Solsona.
Ti suspek ket agtawen ti 20, awanan asawa ken residente iti nasao met laeng a barangay.
Basar iti Solsona Municipal Police Station, natiliw ti suspek kalpasan a maipagarup a naglako daytoy ti maysa nga heat-sealed transparent plastic sachet a naglaon ti maatap a shabu iti police poseur-buyer.
Malaksid iti daytoy, nakumpiskar pay dagiti otoridad ti dua nga heat sealed transparent plastic sachet nga agdagsen ti maysa a gramo ken agbalor ti 6,800 a pisos, maysa a ribu a pisos a nausar kas buy-bust money ken dadduma pay a drug paraphernalia.
Kabayatanna, dagiti naala a kontrabando ket maipadalan iti Provincial Forensic Unit para iti laboratory examination.
