LAOAG CITY – Kinumpimaran ni Police Major Joseph Baltazar, ti c hief of police ti PNP-Vintar ti panagpakamatay ti maysa a lalaki a nagbekkel iti puun ti acacia tree.
Binigbig ni Baltazar ti biktima a ni Robert Viernes y Agpaoa, agtawen ti 46, awanan ti asawa ken residente iti Barangay Tamdagan iti nadakamat nga ili.
Segun kenni Baltazar, basar iti palwag ti kabsat ti biktima ket nagpakada ti biktima a rumwar iti balay da ken idi saan da a mapasangpet ket napan da binirok.
Nupay kasta, nakita da laengen a nakabitin ti bagi ti biktima iti acacia usar ti tali nga awanen ti biag na.
Basar iti imbestigasyon ti PNP, agsagsagaba ti biktima ti komplikasyon iti kidney ken iti napalabas nga al-aldaw ket arig na agpakpakada daytoy ken desidido nga agpakamatay.
Patyen met ti pamilya ti biktima nga awan ti foul play ti nasao a pasamak.
